Kunningarskriv Mars

Í Ælabogastovuni eru onkrar broytingar. Halldis er farin í barsil. Hon er sett at eiga fyrst í mars og vit ynskja teimum alt tað besta. Vit gleða okkum at fáa hana aftur um jóltíðir :)
Samstundis hava vit fingið nýggjan námsfrøðing í Ælabogastovuni. Hon eitur Poula Højgaard og  byrjaði 15 februar. Vit ynskja henni hjartaliga vælkomnari í toymið hjá okkum og gleða okkum at læra hana at kenna :)
Marianna verður burtur allan mars mánaða og sum nakað nýtt so fer Lív í vøggustovuni fyri hana og Vinny fer í Spíran fyri Lív.
Matarskipanin
So nærkast okkara nýggja miðmálaskipan. Vit eru so smátt byrjaði, men frá mánadegnum 5 mars fer tað orduliga at merkjast. Tann størsta broytingin verður, at nú verður alt grovt, fullkorn og solti. Tað merkir tó ikki at vit ikki fáa kaku, pannukøkur v.m  viðhvørt, men tað verður heldur undantakið enn regilin.
Skiftiklæðir
Nú veðrið gerst betur, vera vit meira úti og tí er ynskiligt at tað er nokk av skiftiklæðum á plássunum hjá børnunum.
Ráðleggingardagurin
Ráðleggingardagurin fyrru hálvu verður fríggjadagin 9 mars og tá hava vit afturlatið. 
Í tilgongdini til “Betri vinir” ið vit hava arbeitt við, er hetta seinasta stigið. 9 mars verða vitt lærd í at brúka kuffertið. Meira um hetta er at finna á www.barnabati.fo
Summarferiuopið
Í ár hava dagstovnarnir hjá Sunda Kommunu afturlatið viku 29-30-31-32. T.e frá mánadegnum 16 juli til fríggjadagin 10 august.
Eins og undanfarin ár bjóða vit summar-opið og í ár er tað okkara túrur. Nærri kunning um hetta seinni.
Páskir
Nú nærkast páskirnar við risafetum og tað fer sjálvandi at merkjast á stovninum. Høsnarungar eru so smátt byrjaðir at koma undan kavi :)
​Um tað er onkur ið hevur frí dagarnir í stilluviku, vinarliga sigi frá á stovuni.