 Jólahaldið við Stórheygg verður fríggjadagin 24 novembur frá 15.00 til 17.00 Vit byrja tó eitt sindur áðrenn, tí klokkan 13 fáa vit vitjan av Julius og Rógva. Rógvi fer fortelja okkum søgur og so fer hann eisini at ganda. Vinmaðurin hjá Rógva ið eitur Julius, er jólamaður, so hvør veit, kanska hann hevur onkran pakka við til okkum. Vit gleða okkum í øllum førum Julius & Rógvi á Facebook Eins og í fjør, verða stovurnar umskapaðar til verkstøð. Í mánastovuni og Ælabogastovuni gera vit stjørnur og klippa jólaprýðið og í Spíranum og verkstaðnum uppi á, gera vit jóladekoratiónur. Tit eru vælkomin at hava undirlag við. Inni á hvørrjum verkstaði bjóða vit kaffi/te/jólabrús, karamellur, mandarinur og holukøkur. Skráin: 15.00 Verkstøðini lata upp 15.30 Lusia 15.45 Kristian Martin spælir Bjølluljóð á horn 16.00 Børnini í Ælabogastovuni syngja 17.00 Vit takka fyri og ynskja gott vikuskifti Hetta eru sangirnir ið Børnini í Ælabogastovuni fara at syngja til jólahaldið. Ein lítil fittur vættur Ein lítil fittur vættur býr í gamla fjósinum ”bummelumm” Ein lítil fittur vættur býr í gamla fjósinum Hann hoppar og hann dansar runt hann etur greyt tí tað er sunt Ein lítil fittur vættur býr í gamla fjósinum Lítla fitta nissa mín Lítla fitta nissa mín, Tú skalt fáa greyt í trygil tín. Jólagreyt við mandlu í, Ja, so oysa vit uppí Mandlan melur bert í kring, Melur runt í greytinum í ring, Hvar man mandlan vera nú, Nissa mín hvat heldur tú? Jólini við Stórheygg: 24 nov Jólahald fyri børn og foreldur 12 des Vit baka piparnøtur 13 des Lusiadagur 15 des Jólaborðhald fyri børn og vaksin í barnagarðinum 20 des jólaguðstænasta, vit eta rísingreyt aftaná  Ælabogastovan Í Ælabogastovuni er Ninus afturíafturkomin. Hann fer, eins og undanfarin ár, at koma heim við børnunum at vitja og hann hevur dagbókina við, ið tit so skulu skriva í og ein lítlan pakka. Listin hongur í Ælabogastovuni. Tað hoyrist at jólamaðurin er sæddur niðrið við neystið á sandi, so tað fara vit heilt sikkurt at kanna, ofta :) Spírin Aftur í ár verður jólakalendari í Spíranum. Hvønn dag í des fara vit at hugna okkum í Jólaverkstaðnum, har vit fara at lurta eftir søgu, syngja og ikki minst, hyggja hvat er aftanfyri lúkuna. Annars verður mánaðurin fyltur við ymiskum kreativum m.a. gera jólaprýði, bomm v.m Kanska verður onkur túrurin gjørdur oman í Jólaneystið eisini. Mánastovan Mánastovan hevur fingið jólakalendara. Aftanfyri fyri lúkurnar goymir seg ein fitt søga hvønn morgun. Jólahúsið í garðinum er blivið so hugnaligt. Vit hava hoyrt at jólamaðurin onkuntíð fer at leggja ymiskt gott inn í húsið til okkum, serliga um vit syngja ein fittan jólasang Santa Lusia Køvandi myrk er nátt Lurta hoyr sangin Missir tú mál og mátt Ljós sum av veingjum Tá inn um duragátt Stígur á hesu nátt Santa Lusia, Santa Lusia Náttin er myrk og long Stilli um tún og garð Alt liggur deytt og kvirt Skuggar um djúpan dal Tá inn um durin vár Stígur við ljós í hár Santa Lusia, Santa Lusia  Vit hava stongt frá 23 desembur til 2 januar
|